'വിഷ്ണൂ, നീ ഇപ്പൊ ഏത്രാം ക്ലാസ്സിലാ പഠിക്കണേ' എന്ന കിടിലന് ചോദ്യവുമായി എന് ബി പരമേശ്വരന് സ്വന്തം മകന്റെ വിദ്യാഭ്യാസഭ്രമണപഥത്തില് പ്രവേശിച്ച കാര്യം അന്യത്ര പ്രതിപാദിച്ചിട്ടുണ്ടല്ലൊ. (ഉവ്വ!).
അതിന്റെ പിറ്റേന്നാണ് ഈ സംഭാഷണം നടക്കുന്നത്.
അന്ന് സ്കൂളില്നിന്നും അല്പം നേരത്തെയെത്തിയ വിഷ്ണുവിനോട് എന്ബി ചോദിച്ചു: '' വിഷ്ണൂ, ഇന്നെന്താ നേരത്തെ?''
''ഇന്ന് പരീക്ഷയായിരുന്നച്ഛാ''
''ഉവ്വ്വോ. ഏതായിരുന്നു പരീക്ഷ?''
''കണക്ക്''
അത് കേട്ടപ്പോള് എന്ബിക്ക് ഉത്സാഹമായി. (കണക്കിന്റെ കാര്യത്തില് മറ്റാരേക്കാളും ഒരു പടി മുന്നിലാണ് താന് എന്ന ഭാവമുണ്ട് എന്ബിക്ക്.)
''എത്ര മാര്ക്ക് കിട്ടും?'' എന്ബി ചോദിച്ചു.
''നൂറ് ''
''നൂറില് നൂറോ?''
''അതെ''
''അതെന്താ ചോദ്യങ്ങളെല്ലാം നല്ല എളുപ്പമുള്ളതായിരുന്നോ?''
''അതെയച്ഛാ''
''എത്രത്തോളം എളുപ്പമായിരുന്നു?''
''അതിപ്പോ എങ്ങന്യാ പറയ്യാ?''
''എങ്ങനെയെങ്കിലും പറയ്യാ .''
''ഒടുവില് ഞാന് വളച്ചുകെട്ടി പറഞ്ഞൂന്നും പറഞ്ഞ് വടിയും മറ്റും എടുത്തോണ്ട് വരരുത്. ''
''ഇല്ലില്ല്യ. ധൈര്യമായി പറഞ്ഞോളൂ.''
''എത്രയ്ക്ക് എളുപ്പമായിരുന്നൂച്ചാല്, അച്ഛന് പോയിരുന്ന് എഴുത്യാല് പോലും നൂറില് നൂറ് കിട്ടും'' !!!
No comments:
Post a Comment