ചെറിയ കായത്തിരുമേനിയായ എന്‍ബി പരമേശ്വരന്റെ ഒരു സമ്പ്രദായമെന്തെന്നുവെച്ചാല്‍
സെക് ഷനിലൊന്നിരുന്നുകിട്ടിയാല്‍ പുള്ളിക്കാരന്‍ നല്ല അസ്സലായി പണിയെടുക്കും. ഒരു മാസത്തെ പണി ഒറ്റ ദിവസംകൊണ്ട് തീര്‍ക്കും.
പക്ഷേ തുടര്‍ച്ചയായി 5 മിനിറ്റ് സെക് ഷനിലിരിക്കാന്‍ ചെങ്ങാതിക്ക് പറ്റ്ല്ല്യ.
4 മിനിറ്റും 59 സെക്കന്‍ഡും കഴിയുമ്പോള്‍ തിരുമേനി സീറ്റില്‍നിന്നും താനേ എണീറ്റിരിക്കും. പുറത്തുചാടിയാല്‍ പിന്നെ വേണുപ്പണിക്കരെ വിളിക്കേണ്ടിവരും, മഷിയിട്ടുനോക്കാന്‍! മൊബൈലില്‍ വിളിച്ചാല്‍ നിങ്ങള്‍ വിളിക്കുന്ന സബ്സ് ക്രൈബര്‍ പരിധിക്കുപുറത്താണെന്നാവും കിളിമൊഴി!
തിരുമേനിയൊന്ന് സീറ്റിലിരുന്നുകിട്ടാന്‍ എന്താണൊരു വഴിയെന്നാലോചിച്ചാലോചിച്ചാലോചിച്ച് തല പുണ്ണാക്കിയ എസ്സൊ അവസാനം വേണുപ്പണിക്കരെത്തന്നെ ശരണം പ്രാപിച്ചു.
കവടിനിരത്തി കളിച്ചശേഷം പണിക്കര്‍ പറഞ്ഞു: '' തിരുമേനിയെ പൂട്ടാന്‍ രണ്ടുവഴികളാണ് കാണുന്നത്. പക്ഷേ അതില്‍ ആദ്യത്തേതിന് ഒരു ദോഷമുണ്ട് ''
''ച്ചാല്‍? ''
'' തിരുമേനിക്കേറ്റില്ലെങ്കില്‍ അത് ചെയ്യുന്നാള്‍ക്കേല്‍ക്കും ''
'' എന്താണത്? ''
'' കൂടോത്രം ''!
'' അയ്യൊ. അതു വേണ്ട. മറ്റേ പൂട്ട് മതി. അതേതാണ് ?''
'' അത് വളരെ സിമ്പ്‌ളാണ് . തിരുമേനി വന്ന് സീറ്റിലിരിക്കുമ്പൊ പുറകിലൂടെ ചെന്ന് ഒരു സീറ്റ്‌ബെല്‍റ്റിട്ട് രൊറ്റ പൂട്ട് ! പിന്നെ അഞ്ചരയ്‌ക്കേ അത് തുറക്കാവൂ ! ''
No comments:
Post a Comment