DAD THE GREAT

സാവി എന്ന മിസ്സിസ് എന്‍ബി അന്ന് പതിവില്ലാത്തവിധം ആഹ്ലാദത്തിലായിരുന്നു.
ട്യൂഷന്‍ ക്ലാസ്സ് കഴിഞ്ഞ് തിരിച്ചെത്തിയ മകള്‍ ഹരിപ്രിയയ്ക്ക് അത് മനസ്സിലാവുകയും ചെയ്തു.
അവള്‍ ചോദിച്ചു: '' എന്താ അമ്മേ ഇന്ന് അമ്മേടെ മുഖത്തൊരു പ്രസാദം ? ''
'' ഒന്നൂല്ല്യ മോളേ ''
'' അതല്ല, എന്തോ ഉണ്ട് ''
അന്നേരം മകളെ ചേര്‍ത്തുപിടിച്ചുകൊണ്ട് അമ്മ പറഞ്ഞു:
'' സന്തോഷം കൊണ്ട് എനിക്ക് നിക്കാന്‍ പറ്റണ് ല്ല്യ മോളേ ''
'' അതിനുമാത്രം എന്താ ഉണ്ടായത് അമ്മേ ? ''
'' അതേയ് അച്ഛന്‍ നിങ്ങടെ വിദ്യാഭ്യാസകാര്യങ്ങളിലൊക്കെ ശ്രദ്ധിക്കാന്‍
തൊടങ്ങീരിക്കണു! ''
'' ഓ മൈ ഗോഡ് ! ഡാഡ്‌സ് ഗ്രെയ്റ്റ് !...............അതുപോട്ടെ, അമ്മയ്ക്ക് അതെങ്ങനെ
മനസ്സിലായി?''
'' ഇന്നു രാവിലെ നിന്റെ കുഞ്ഞനിയനെ അടുത്ത് വിളിച്ച് അച്ഛന്‍ ചോദിക്ക്യാണേയ് :
ഡാ വിഷ്ണൂ, നീയിപ്പൊ എത്രാം ക്ലാസ്സിലാ പഠിക്കണേ? '' !!!