ഒരു നകാര കേസ്
-ഹലോ, ബീയാറല്ലേ?
-അതേലൊ
-സിപ്രനാണ്
-അത് മനസ്സിലായി
-ഞാനൊരു കാര്യം ചോദിക്കട്ടെ
-ഷൂട്ടിറ്റ്
-നമ്മളൊക്കെ സീനിയര് സിറ്റിസണ്സല്ലേ
-വെരി റെവറന്ഡ്
എന്നുകൂടി ചേര്ക്കണം
-അങ്ങനെയുള്ള നമ്മള് കൊച്ചുപിള്ളേരെപ്പോലെ
പെരുമാറുന്നത് ശരിയാണോ?
-നെവര് എവര്
-എന്നാല് ഒരാള്
എന്നോട് അങ്ങനെ പെരുമാറി
-ഏതൊരാള്?
-നമ്മടെ സുരേഷ് ബാബു
-അത് കള. സുരേഷ് അത്തരക്കാരനല്ല
-സത്യമാണ് ഞാന് പറയണത്
-അത് പരിശോധിച്ച ശേഷമേ പറയാന്
പറ്റൂ. ആദ്യം എന്താണുണ്ടായതെന്നു പറ
-ആ സഖാവിപ്പോള് എന്നോട് മിണ്ടണില്ല!
-കാരണം വല്ലതുമുണ്ടായോ?
-അതല്ലേ പറഞ്ഞത്. തീരെ നിസ്സാരമായ
ഒരു കാര്യത്തിനാണ്.
-നിര്ത്തിനിര്ത്തിപ്പറ. എന്നാലേ
ഭാവം വരൂ
-വീട്ടില് നൂറുകൂട്ടം കാര്യങ്ങള്
ചെയ്യാന് കിടക്കുമ്പോള് ഞാന് ആ സഖാവിനെ ഇല്ലാത്ത മീറ്റിങ്ങിന് വിളിച്ചോണ്ടുപോയി
എന്നാണ് പരാതി!
-ഇല്ലാത്ത മീറ്റിങ്ങോ?
-അതെ. ഡിസംബര് 17ന് ദാദാഘോഷ്
ഭവനില് പെന്ഷന് ദിനാചരണമുണ്ടല്ലൊ. അതിനുവേണ്ടി ഞാന് സഖാവിനെ നിര്ബ്ബന്ധിച്ച് വിളിച്ചോണ്ടുപോയെന്നാണ്
കേസ്.
-അതെങ്ങനെ ഇല്ലാത്ത മീറ്റിങ്ങാവും?
-എനിക്കൊരു ചെറിയേ തെറ്റുപറ്റി.
ഞാന് സഖാവിനെ വിളിച്ചോണ്ടുപോയത് ഡിസംബര് 15നാണ്!
-അത് ശെരി. അവിടെ ചെന്നപ്പോ
ഈച്ചപൂച്ചയില്ലല്ലേ?
-അതെ. അത് അത്രവലിയ തെറ്റാണോ
ബീയാര്? കേവലം രണ്ടുദിവസത്തെ
വ്യത്യാസമല്ലേയുള്ളൂ? മാസങ്ങളോ വര്ഷങ്ങളോ യുഗങ്ങളോ ഒന്നുമില്ലല്ലൊ.
-അതില്ല. മണിക്കൂറിലേക്ക് കണ്വര്ട്ട്
ചെയ്താല് വെറും 48 മണിക്കൂറേ വരൂ.
-ഈ നിസ്സാരവ്യത്യാസത്തിന്
ആ സഖാവ് ഇങ്ങനെ പെരുമാറുന്നത് ശെരിയാണോ?
-ഒട്ടും ശരിയല്ല
-ഇതിന് മിണ്ടാതിരിക്കായാണോ
വേണ്ടത്?
-അല്ല (മറ്റു ചിലതാണ്...)
-അപ്പോള് വിധിയെങ്ങനെ?
-കേസ് തള്ളുന്നു. ചെലവ് സഹിതം!
