റിട്ടയര്‍മെന്റിനുശേഷം എംജിആര്‍ സാറ് ആദ്യം നടത്തിയ യാത്ര ബാംഗ്ലൂര്‍ക്കായിരുന്നു.
മകളും മരുമകനും താമസിക്കുന്നിടത്തേക്ക്.
സകുടുംബമാണ് പോയത്.
ച്ചാല്‍ മിസിസിനേയും കൂട്ടീന്നര്‍ത്ഥം.
40 ദിവസത്തെ പരിപാടിയുമായിട്ടാണ് പോയത്.
നാലാം ദിവസം രാവിലെ ബെഡ് കോഫി കഴിച്ചുകൊണ്ടിരിക്കയായിരുന്നു
എംജിആര്‍ സാറ്.
അപ്പോള്‍ അതാ അടുക്കളയില്‍ നിന്ന് ഒരു സംസാരം.
അമ്മ മകളോട് പറയുകയാണ്:
-എന്റെ ചെരുപ്പ് റിട്ടയറായെടി മോളേ.
-അമ്മ എന്താ ഈ പറയണേ. ചെരുപ്പ് റിട്ടയറാവ്വേ?
-അതെ മോളേ. അത് ഇനി ഇടാന്‍ പറ്റ്ല്ല്യ. ഒന്നിനും കൊള്ളാണ്ടായി... റിട്ടയറായി...
അന്ന് വൈകീട്ട് ആരോടും പറയാതെ ഐലന്റ് എക്സ് പ്രസ്സിന്റെ ഓര്‍ഡിനറി
കമ്പാര്‍ട്ട്‌മെന്റില്‍ കേറി എംജിആര്‍ സാറ് നാട്ടിലേക്ക് തിരിച്ചു !!!
No comments:
Post a Comment