കമ്പാരറ്റീവ് സ്റ്റഡി

(പള്ളിത്തമാശകൾ)

സ്ഥലം മാറിപ്പോകുന്ന അച്ചന്റെ ഉള്ളം കൈ മുത്തിക്കൊണ്ട് മറിയാമ്മച്ചേടത്തി പറഞ്ഞു:

-അച്ചൻ പോണതില് ഞങ്ങൾ എടവകക്കാർക്ക് നല്ല വെഷമണ്ട്,ട്ടോ. ഇനി വരണ അച്ചൻ എന്തായാലും അച്ചനോളം നന്മയുള്ള ആളാവില്ല.

-അങ്ങനെയൊന്നും പറയല്ലെ മറിയച്ചേടത്തീ. വരുന്നത് എന്നേക്കാൾ നല്ല ആളായിരിക്കും.

-അല്ലച്ചോ. ഞങ്ങൾക്ക് ഒറപ്പ്ണ്ട്

-കൊള്ളാം. അതെങ്ങനെ ഇപ്പൊ പറയാൻ പറ്റും? വരുന്നത് ആരാണെന്ന് അറിഞ്ഞിട്ടില്ലല്ലൊ

-അത് പിന്നെ ഞങ്ങൾടെ അനുഭവം കൊണ്ട് പറയാണേയ്. ഇതുവരെ ഇവിടെ വന്നുപോയിട്ടുള്ള ഓരോ അച്ചനും തൊട്ടുമുമ്പത്തെ അച്ചനേക്കാൾ പോക്കായിരുന്നു!!!